விசர் நாய் கடித்ததினால் 6 பேர் காயம்

(எம்.என்.எம்.ஹிஜாஸ்)

புத்தளம், ரத்மல்யாய பிரதேசத்தில் விசர் நாயொன்று கடித்ததினால் 5 வயது சிறுமி உட்பட 6 பேர் காயமடைந்துள்ளனர்.

குறித்த விசர் நாய் ரத்மல்யாய பிரதேசத்தில் நேற்று சனிக்கிழமை மாலை முதல் சுற்றித்திரிந்து வீதியில் செல்வோரை கடித்து வருகின்றது.

இதனால் காயமுற்றவர்கள் வைத்தியசாலையில் சிகிச்சைபெற்றுக் கொண்டு சென்றபோதும், 5 வயது சிறுமியொருவர் கடுமையாக பாதிக்கப்பட்ட நிலையில் வைத்தியசாலையில் அனுமதிக்கப்பட்டுள்ளார்.

இம் மாதம் முதல் புத்தளம் மற்றும் கற்பிட்டி பிரதேசங்களில் விசர்நாய் கடிக்குள்ளாரவர்களின் எண்ணிக்கை வெகுவாக அதிகரித்துள்ளதாக புத்தளம் வைத்தியசாலை வட்டாரங்கள் தகவல் தெரிவித்துள்ளன.