புத்தளத்தில் வாகன விபத்து 8 பேர் காயம்

(ஹிரான் பிரியங்கர ஜயசிங்க)

புத்தளம் நாவற்காடு பிரதேசத்தில் இன்று பிற்பகல் இடம்பெற்ற வாகன விபத்தொன்றில் 8 பேர் காயமடைந்தனர்.

திருமண வைபவமொன்றுக்கு சென்றுகொண்டிருந்தவர்கள் பயணம் செய்த வான் கடும் மழை காரணமாக பாதையைவிட்டு விலகி தென்னை மரமொன்றில் மோதியது.

இதனால்காயமடைந்த 8 பேர் புத்தளம் வைத்தியசாலையில் அனுமதிக்கப்பட்டனர்.

அவர்களில் மூவர் படுகாயமடைந்த நிலையில் இருப்பதாக வைத்தியசாலை வட்டாரங்கள் தெரிவித்தன.