வேட்பாளர்களின் ஆதரவாளர்களுக்கிடையில் மோதல்; இருவர் காயம்

(எம்.என்.எம். ஹிஜாஸ்)

உள்ளூராட்சிமன்றத் தேர்தலில் போட்டியிட்ட பொதுஜன ஐக்கிய முன்னணி வேட்பாளர்கள் இருவருடைய ஆதரவாளர்களுக்கிடையில் இடம்பெற்ற மோதலில் காயமடைந்த இருவர் கல்பிட்டி வைத்தியசாலையில் நேற்று சனிக்கிழமை அனுமதிக்கப்பட்டுள்ளனர்.

இந்த மோதல்ச் சம்பவம் கல்பிட்டி, நுரைச்சோலை வர்த்தக மையத்தில் இடம்பெற்றுள்ளது.

இச்சம்பவத்துடன் தொடர்புடையதாக  கருதப்படும் மூவர்  பொலிஸாரால் கைதுசெய்யப்பட்டுள்ள நிலையில், இவர்கள் இன்று நீதிமன்றத்தில் ஆஜர்படுத்தப்படவுள்ளனர்.

தற்போது நுரைச்சோலை மற்றும் நரக்கள்ளி பகுதிகளில் பொலிஸார் பாதுகாப்புக் கடமைகளில் ஈடுபட்டு வருகின்றனர்.