அநுராதபுரத்தில் டெங்கு ஒழிப்பு நடவடிக்கை

(எம்.சீ.சபூர்தீன்)
 
டெங்கு ஒழிப்பு வாரத்தை முன்னிட்டு அநுராதபுரம் நகரத்தில் இன்று வியாழக்கிழமை காலை 10 மணி முதல் அநுராதபுரம் தலைமையகப் பொலிஸாரின் ஏற்பாட்டில் பாரிய டெங்கு ஒழிப்பு வேலைத் திட்டமொன்று மேற்கொள்ளப்பட்டு வருகிறது.

அநுராதபுரம் தலைமையகப் பொலிஸ் நிலையப் பொலிஸார் மற்றும் சிவில் பாதுகாப்புப் படை வீரர்கள் கூட்டாக இணைந்து இச்செயற்பாட்டை மேற்கொண்டுள்ளனர்.

பொலிஸ் அதிகாரிகளின் தலைமையில் சுமார் 15 குழுக்கள் ஈடுபடுத்தப்பட்டு அநுராதபுரம் நகரத்திலுள்ள விற்பனை சாலைகள், உணவகங்கள், வீடுகளில் டெங்கு நுளம்புகள் பரவும் இடங்களை கண்டுபிடிக்கும் நடவடிக்கை மேற்கொள்ளப்பட்டு வருகின்றமை குறிப்பிடத்தக்கது.