தலசீமியா நோயாளர்களை தெளிவுபடுத்த நடைபவனி

(எம்.சீ.சபூர்தீன்)

உலக தலசீமியா தினத்தை முன்னிட்டு தலசீமியா நோயாளர்களைத் தெளிவுபடுத்தும் நடைபவனியொன்று நேற்று மாலை அநுராதபுரம் நகரத்தில் ஏற்பாடு செய்யப்பட்டிருந்தது.

அநுராதபுரம் போதனா வைத்தியசாலையின் தலசீமியா மத்திய பிரிவினால் ஏற்பாடு செய்யப்பட்ட இந்நடை பவனியில் வைத்தியர்கள், தாதியர்கள், பாடசாலை மாணவர்கள் எனப் பலரும் கலந்து கொண்டனர்.

இதுவரையில் நாட்டில் 1,600 தலசீமியா நோயாளர்கள் இனங்காணப்பட்டுள்ளதாகவும் வருடமொன்றிற்கு 84,100 நோயாளர்கள் வரை கண்டுபிடிக்கப்படுவதாகவும் தெரிவிக்கப்படுகிறது.

வடமத்திய, வடமேல், ஊவா மற்றும் மத்திய மாகாணங்களிலேயே அதிகளவில் தலசீமியா நோயாளர்கள் இனங்காணப்படுவதாகவும் தெரிவிக்கப்பட்டுள்ளது.