சமுர்த்தி வங்கியில் திருட்டு

(அப்துல்லாஹ்)

ஆனமடு பொலிஸ் பிரிவுக்குட்பட்ட கொட்டுகச்சி, எதுன்கொட வீதியிலுள்ள புரானகம சமுர்த்தி வங்கியின் பொருட்கள் திருடப்பட்டுள்ளதாக ஆனமடு பொலிஸில் இன்று முறைப்பாடு செய்யப்பட்டுள்ளது.

இன்று காலை வங்கியை திறந்தபோது வங்கியின் பின் கதவு உடைக்கப்பட்ட நிலையில் இருந்ததை வங்கி முகாமையாளர் கண்டுள்ளதையடுத்தே பொலிஸில் முறைப்பாடு செய்துள்ளார்.

வெள்ளிக்கிழமை மூடிய பின்பு இன்று தான் வங்கி திறக்கப்பட்டுள்ளது. வங்கியிலுள்ள கணனி மற்றும் அதனுடன் தொடர்பான பொருட்களும் காணாமல் போயுள்ளதாக முகாமையாளர் பொலிஸில் முறைப்பாடு செய்துள்ளார்.

இது தொடர்பான மேலதிக விசாரணைகளை ஆனமடு பொலிஸார் மேற்கொண்டு வருகின்றனர்.