சட்டவிரோதமாக மான் இறைச்சி விற்பனை செய்த நபர் கைது

(எம்.ஐ.எம்.அஸ்ஹர் )

அம்பாறை மாவட்டத்தின் தெஹியத்தக்கண்டிய பிரதேசத்தில் உலரவைத்த நிலையில் சட்டவிரோதமாக மான் இறைச்சி விற்பனை செய்த ஒருவரை பதியத்தலாவ பொலிஸார் இன்று திங்கட்கிழமை கைதுசெய்துள்ளனர்.

சந்தேக நபர் நீண்ட நாட்களாக இவ்வாறு மான் இறைச்சி விற்பனையில்  ஈடுபட்டு வருவதாக பொலிஸாருக்கு கிடைத்த தகவலையடுத்தே, மேற்படி நபரை பொலிஸார் கைதுசெய்தனர்.   

பதியத்தலாவ பதில் பொலிஸ் நிலைய பொறுப்பதிகாரி பீ.பீ.மயூரசிங்கவின் பணிப்புரையின் பேரில்,  குற்றத்தடுப்பு பிரிவின் பொறுப்பதிகாரி உதவி பொலிஸ் பரிசோதகர் மகேஸ் கங்கொட தலைமையிலான பொலிஸ் குழுவினர மேற்படி  நபரை கைதுசெய்தனர். இந்நிலையில்,  தெஹியத்தக்கண்டிய நீதவான் பீ.டபிள்யூ.எம்.என்.றுவந்திகா மாறப்பன முன்னிலையில் குறித்த நபரை ஆஜர்ப்படுத்தியபோது 30,000 ரூபாவினை தண்டப்பணமாக செலுத்துமாறு நீதவான் உத்தரவிட்டார்.

கைதுசெய்யப்படும்போது,  சந்தேக நபரிடம் 220 கிராம் உலரவைத்த மான் இறைச்சி கைவசம் இருந்தமை குறிப்பிடத்தக்கது.