நாட்டை காட்டிக்கொடுப்பவள் என விமர்சிக்கப்பட்டாலும் அஞ்சமாட்டேன்: ஹிருணிகா பிரேமச்சந்திர

தனது தந்தை பாரத லக்ஷ்மன் பிரேமச்சந்திரவின் கொலைக்கு சர்வதேச ரீதியாக நியாயம் தேட முற்படும்போது இலங்கையில் தான் துரோகி, நாட்டைக் காட்டிக்கொடுப்பவள் என விமர்சிக்கப்பட்டாலும் அச்சமடையப்போவதில்லை என பாரத லக்ஷ்மனின் மகள் ஹிருணிகா பிரேமச்சந்திர பிபிசியிடம் தெரிவித்துள்ளார்.

'என்னை துரோகி எனக் கூறக்கூடியவர்களைவிட நான் நாட்டை நேசிக்கிறேன். இந்நிலையில் நான் துரோகி என முத்திரைக் குத்தப்படுவதற்கு அஞ்சவில்லை' என இலங்கைக்கு வெளியே குறிப்பிடப்படாத இடமொன்றிலிருந்து ஹிருணிகா பிரேமச்சந்திர பிபிசி சிங்கள சேவையான சந்தேசயவுக்கு தெரிவித்துள்ளார்.

ஜனாதிபதியின் ஆலோசகரான பாரத லக்ஷ்மனின் கொலை விடயத்தில் நீதியை நிலைநாட்ட இலங்கை தவறினால், தான் சர்வதேச ரீதியாக நியாயம் தேடுவதைத் தவிர வேறு வழி இல்லை என ஹிருணிகா கூறியுள்ளார்.

'இலங்கையில் சட்டம் ஒழுங்கு இல்லாவிட்டால் எமக்கு வேறு வழி என்ன?' என அவர் கேள்வி எழுப்பியுள்ளார்.

பாரத லக்ஷ்மன் கொல்லப்பட்ட முல்லேரியா சம்பவத்தில் காயமடைந்த நாடாளுமன்ற உறுப்பினர் துமிந்த சில்வாவை கைது செய்யுமாறு கொழும்பு நீதிமன்றமொன்று அண்மையில் உத்தரவிட்டமை குறிப்பிடத்தக்கது.

இத்தீர்ப்பு நீதித்துறை மீதான நம்பிக்கையை மீண்டும் ஏற்படுத்தியிருப்பதாக கூறிய ஹிருணிகா, இக்கொலை விசாரணை பலவீனமடைய இடமளிக்க வேண்டும் என ஜனாதிபதி மஹிந்த ராஜபக்ஷவிடம் கோருவதாக தெரிவித்துள்ளார்.

' இது அச்சுறுத்தல் அல்ல, ஜனாதிபதியிடம் விடுக்கும் கோரிக்கை.  இவ்விசாரணை பலவீமடைந்தால்  சட்டம் ஒழுங்கு இல்லாத நாடு என இலங்கை  சர்வதேச ரீதியாக அறியப்படும்' என ஹிருணிகா கூறினார்.

இத்தீர்ப்பு நீதித்துறை மீதான நம்பிக்கையை மீண்டும் ஏற்படுத்தியிருப்பதாக கூறிய ஹிருணிகா, இக்கொலை விசாரணை பலவீனமடைய இடமளிக்க வேண்டும் என ஜனாதிபதி மஹிந்த ராஜபக்ஷவிடம் கோருவதாக தெரிவித்துள்ளார்.

' இது அச்சுறுத்தல் அல்ல, ஜனாதிபதியிடம் விடுக்கும் கோரிக்கை.  இவ்விசாரணை பலவீமடைந்தால்  சட்டம் ஒழுங்கு இல்லாத நாடு என இலங்கை  சர்வதேச ரீதியாக அறியப்படும்' என ஹிருணிகா கூறினார்.

இதேவேளை,  துமிந்த சில்வா, பாதாள உலகை சேர்ந்தவரோ போதைப்பொருள் கடத்துபவரோ அல்ல, அவர் ஒரு தெரிவுசெய்யப்பட்ட நாடாளுமன்ற உறுப்பினர் என பாதுகாப்புச் செயலர் கோட்டாபய ராஜபக்ஷ கூறியுள்ளார்.

துமிந்த சில்வாவுக்கு எதிராக கொழும்பு மேல் நீதிமன்றிலிருந்த சிறார் வல்லுறவு வழக்கொன்றை  இலங்கையின் சட்டமா அதிபர் முன்னர் வாபஸ் பெற்றார். ஆனால் இவ்வழக்கை சட்டமா அதிபர் வாபஸ் பெற்றமை தவறானது என அப்போதைய பிரதம  நீதியரசர் அசோக டி சில்வா பிபிசி சந்தேசயவிடம் தெரிவித்தார்.

பாரத லக்ஷ்மன் பபிரேமச்சந்திர குடும்பத்திற்கு நியாயம் கிடைத்தால் அது லசந்த விக்கிரமதுங்க போன்ற ஏனைய குடும்பங்களுக்கும் உதவும் என பாரத லக்ஷ்மனின் மகள் ஹிருணிகா பிரேமச்சந்திர பிபிசி சிங்கள சேவையான சந்தேசயவிடம் தெரிவித்துள்ளார்.

அநீதி நிலவும் ஆசிய நாடுகளில் இலங்கை ஏற்கெனவே  முன்னிலையில் உள்ளதாக ஹிருணிகா கூறியுள்ளார்.

' இலங்கையின் மனித உரிமை நிலைவரம் குறித்து உலகத் தலைவர்கள் கரிசனைகளை எழுப்புவதற்கு இது காரணமாக இருக்கலாம்.

தவறுகள் இடம்பெறுவதற்காக சர்வதேச சமூகம் காத்திருக்கிறது. எனவே ஜனாதிபதிக்கு எனது செய்தி என்னவென்றால், தயவு செய்து இதற்கு இடமளிக்க வேண்டாம். இலங்கைக்கு மீது விரல் நீட்டுவதற்கு சர்வதேச சமூகம் விரல் நீட்டினால் அது உங்கள் நடவடிக்கைகள் காரணமாக இடம்பெறும்' எனவும் ஹிருணிகா தெரிவித்துள்ளார்.

பேஸ்புக் பிரசாரம்

அதேவேளை, பேஸ்புக் மூலம் நியாயம் தேடும் பிரசாரத்தை மேற்கொள்ளும் இலங்கையின் இளம் சமூகத்தினருக்கு தான் தலைவணங்குவதாக என இளம் சட்டத்துறை மாணவியான ஹிருணிகா கூறியுள்ளார்.

"இந்நாட்டை முன்னேற்றுவதற்கு இளையோரின் சக்தி இலங்கைக்கு தேவைப்படுகிறது. எனவே அநீதிக்கு எதிராக போராடவும் சட்டம் ஒழுங்கை பாதுகாக்கவும் கல்வி கற்ற இளம் தலைமுறையினர் தலைமை தாங்குவதற்காக தருணம் இது" என அவர் தெரிவித்துள்ளார்.

-பிபிசி - (தமிழில்: தமிழ் மிரர்)