காத்தான்குடி - கொழும்புக்கு புதிய பஸ் சேவை ஆரம்பம்

காத்தான்குடியிலிருந்து கொழும்புக்கு தினசரி இரவு நேரப் புதிய பஸ் சேவை, இலங்கை போக்குவரத்துச் சபையின் மட்டக்களப்பு டிப்போவால் நேற்று இரவு (02) முதல் ஆரம்பிக்கப்பட்டுள்ளது.

காத்தான்குடியிலிருந்து தினசரி இரவு 11.30 மணிக்கு புறப்படும் இந்த பஸ், கொழும்பு, புறக்கோட்டையை காலை 6 மணிக்குச் சென்றடையும். அதேபோன்று, கொழும்பு, புறக்கோட்டையிலிருந்து  தினமும் நண்பகல் 12 மணிக்குப் புறப்படும் இந்த பஸ் சேவை மாலை 7 மணிக்கு காத்தான்குடியைச் சென்றடையவுள்ளது.

இதற்கான ஒரு வழிக் கட்டணம் 442 ரூபாயாகுமென, இலங்கை போக்குவரத்துச் சபையின் அதிகாரி எம்.அஸீஸ் தெரிவித்தார்.