வெள்ளத்தினால் முழுமையாக சேதமடைந்த 5,893 வீடுகளை நிர்மாணிப்பதற்காக நிதியொதுக்கீடு

(எம்.சுக்ரி)
மட்டக்களப்பு மாவட்டத்தில் கடந்த வெள்ள அனர்த்தத்தின் போது முழுமையாக சேதமடைந்த 5,893 வீடுகளை புனரமைப்பதற்காக 589.3மில்லியன் ரூபா நிதியொதுக்கீடு செய்யப்பட்டுள்ளதாக மட்டக்களப்பு மாவட்ட திட்டமிடல் பணிப்பாளர்  ரா.நெடுஞ்செழியன் தெரிவித்தார்.

மட்டக்களப்பு மாவட்டத்தின் 14 பிரதேச செயலாளர் பிரிவுகளில் கடந்த வெள்ளத்தினால் அனர்த்தத்தினால் பல வீடுகள் முழுமையாக சேதமடைந்துள்ளன.

ஒரு வீட்டுக்கு தலா ஒரு இலட்சம் ரூபா வீதம் 5,893 வீடுகளுக்கும் இப்பணம் ஒதுக்கப்பட்டுள்ளது.

இப்பணம் சகல பிரதேச செயலகங்கங்களுக்கும் விடுவிக்கப்பட்டுள்ளதாக மட்டக்களப்பு மாவட்ட திட்டமிடல் பணிப்பாளர்  ரா.நெடுஞ்செழியன் மேலும் தெரிவித்தார்.