கிளியின் முதுகில் அமர்ந்து ஊரைச் சுற்றிப் பறக்கும் குரங்கு

மரத்திற்கு மரம் தாவுவதில் குரங்குகள் பெயர் பெற்றவை. ஆனால், கொலம்பியா நாட்டிலுள்ள குரங்கொன்று கிளியொன்றின் முதுகில் தொற்றிக்கொள்வதன் மூலம் ஊரைச்சுற்றி வருகிறது.

அக்குரங்கு நீலம் மற்றும் தங்க நிறம் கலந்த கிளியொன்றுடன் நட்பாக உள்ளது.

அப்பெண் கிளியின்  முதுகில் தொற்றிக்கொள்வதால் பறந்து திரிய முடியும் என்ற நம்பிக்கையில் மிகவும் மகிழ்ச்சியாக காணப்படுகிறது அக்குரங்கு.

நாட்டுப்புற ஹோட்டல் ஒன்றில் ஆண் மற்றும் பெண் கிளிகளுடன் இந்த குரங்கு வளர்ந்து வருகின்றது. இம்மூன்று விலங்குகளும் ஒற்றுமையாக பிரிக்கப்பட முடியாதனவாக வாழ்ந்து வருகின்றனவாம்.

அக்குரங்கின் பிடித்தமான செயற்பாடு கிளியின் முகில் ஏறியமர்ந்துக்கொண்டு சுற்றிவருவதுதான் என்று படப்பிடிப்பாளரான அல்ஜென்ரோ ஜராமிலோ (வயது 23) என்பவர் கூறுகிறார். கொலம்பியாவில் உள்ள சான் ஆகஸ்டன் நகரில் இந்த அதிசய நண்பர்களை படம்பிடித்துள்ளார் அவர்.

'ஆச்சரியமிக்க வகையில் இந்த குரங்கு ஒருபோதும் கீழே தவறி வீழ்ந்ததில்லை. அது கிளியின் கழுத்துப் பகுதியை தனது கைகளால் நன்றாக இறுக்கிப் பிடித்துக்கொள்கிறது' என்கிறார் ஜராமிலோ