கல்முனை மாநகரசபையின் வரவு –செலவுத்திட்டத்தை பொதுமக்கள் பார்வையிட அனுமதி;

-அஸ்லம் எஸ்.மௌலானா

2017ஆம் ஆண்டுக்கான கல்முனை மாநகரசபையின் வரவு -செலவுத்திட்ட நகல் பிரதிகளை பொதுமக்கள் பார்வையிட முடியும் என அம்மாநகர ஆணையாளர் ஜே.லியாகத் அலி தெரிவித்தார்.

இன்று (22) முதல் எதிர்வரும் 28ஆம் திகதிவரை அலுவலக நேரங்களில் மாநகரசபையின் நிதிப் பிரிவில் இந்த வரவு- செலவுத் திட்ட நகல் பிரதிகளைப் பொதுமக்கள் பார்வையிடுவதற்கான ஏற்பாடு செய்யப்பட்டுள்ளதாகவும் அவர் கூறினார்.

அத்துடன், இந்த வரவு -செலவுத்திட்டம் தொடர்பில் கருத்துகள் மற்றும் ஆலோசனைகளை முன்வைக்க விரும்புவோர் எதிர்வரும் 28ஆம் திகதிக்கு முன்னர் அவற்றை எழுத்து மூலமாகச்  சமர்ப்பிக்க முடியும்  எனவும் அவர் கூறினார்.