புதிய நூலக மாடிக்கட்டிட திறப்பு விழா

(அப்துல் அஸீஸ்)

கல்முனை கல்வி, கலாசார மேம்பாட்டு ஸ்தாபனத்தினால் நிர்மாணிக்கப்பட்ட புதிய நூலக மாடிக்கட்டிட திறப்பு விழாவும் அமைப்பின் ஏழாவது ஆண்டு நிறைவு விழாவும் எதிர்வரும் ஞாயிற்றுக்கிழமை பி.ப.4.00 மணிக்கு இடம்பெறவுள்ளது.

அமைப்பின் தலைவர் எம்.பி.எம். மாஹிர் தலைமையில் இடம்பெறும் இந்நிகழ்வுக்கு பிரதம அதிதியாக நெதர்லாந்து கல்முனை சமூக நண்பர்கள் அமைப்பின் தலைவரான கீஸ் லெங்வேல்ட், கௌரவ அதிதியாக புள்ளி விபரவியலாளரும், நெதர்லாந்திலுள்ள தொழிநுட்ப மன்றத்தின் தலைவருமான ஏ.எ.எம்.அப்துல் கபூர் ஆகியோர் கலந்து கொள்ளவுள்ளனர்.

8 மில்லியன் ரூபா செலவில் அமைக்கப்பட்டுள்ள இந்நூலக கட்டிடமானது ஆறு வருடங்களாக கல்முனை பிரதேசத்தில் நிலவி வரும்  நூலகமில்ல் பிரச்சினையை தீர்க்கும் என எதிர்பார்க்கப்படுகிறது.