ஐ.எஸ் தளபதி ஒமர் சேச்சென்னின் மரணம் உறுதிப்படுத்தப்பட்டது

சிரியாவில், ஐக்கிய அமெரிக்காவின் வான்தாக்குதலில் காயமடைந்த, முன்னாள் சோவியத் யூனிய போராளிகளிடையே பிரபலமான முன்னணி ஐ.எஸ்.ஐ.எஸ் தளபதியான ஒமர் அல்-ஷிஷனி காயம் காரணமாக மரணமடைந்துள்ளதாக மூத்த ஈராக்கிய அதிகாரி ஒருவரும் சிரிய ஆர்வலர் குழுவொன்றும் தெரிவித்துள்ளது.

தர்கான் படிரஷ்விலி என்ற இயற் பெயரைக் கொண்ட ஷிஷனி, கடந்த மாதம் இடம்பெற்ற தாக்குதலில் காயமடைந்திருந்து, ஐ.எஸ்.ஐ.எஸ்-இன் பலம் வாய்ந்த இடமான சிரியாவில் றக்காவில் இவ்வாரம் உயிரிழந்துள்ளதாக தெரிவிக்கப்படுகிறது. இத்தகவலை, ஐக்கிய அமெரிக்க இராணுவத்தின் பேச்சாளர் ஒருவரும் உறுதிப்படுத்தியுள்ளார்.

எவ்வாறெனினும் ஷிஷனியின் தந்தையான டெய்முராஸ் படிரஷ்விலி, மேற்படித் தகவல் பிழையானது எனத் தெரிவித்துள்ளார்.