வியட்நாம் விபத்தில் 12 பேர் பலி

மாகாணங்களுக்கு இடையிலான சேவையில் ஈடுபடும் பஸ்ஸொன்றும் ட்ரக் ஒன்றும், வியட்நாமின் வடக்குப் பகுதியில் நேற்று முன்தினம் (15) விபத்துக்குள்ளானதில், 12 பேர் பலியானதோடு, மேலும் மூவர் காயமடைந்தனர் என, பொலிஸார் தெரிவித்தனர்.

ட்ரக்கின் சாரதி, தனது கட்டுப்பாட்டை இழந்தாரெனவும், இரு வாகனங்களும் பாலமொன்றில் பயணித்துக் கொண்டிருந்த நிலையில், அவை அங்கிருந்து தூக்கி எறியப்பட்டு, ஆற்றுக்குள் வீழ்ந்தன எனவும், பொலிஸார் தெரிவித்தனர்.