ஈராக் குண்டுத் தாக்குதல்களில் 15 பேர் பலி

ஈராக்கில் இன்று புதன்கிழமை இடம்;பெற்ற குண்டுத் தாக்குதல்களில் 15 பொதுமக்கள் கொல்லப்பட்டதுடன், 12இற்கும் அதிகமானோர் காயமடைந்துள்ளனர்.

மத்திய நகரான ஹிலாவில் பாதுகாப்பு படையினரால் பயன்படுத்தப்படும் உணவு விடுதிக்கு அருகில் இடம்பெற்ற கார்க் குண்டுத் தாக்குதலில் 13 பேர் கொல்லப்பட்டனர்.

இதேவேளை, பாக்தாத்தின் மேற்குப் பகுதியில் இராணுவத்தினரின் வாகனத்தில் இடம்பெற்ற குண்டுத் தாக்குதலில் இருவர் கொல்லப்பட்டனர்.

ஓகஸ்ட் மாதத்தில் 45 பொலிஸாரும் 39 இராணுவத்தினரும் கொல்லப்பட்டதாக ஈராக் நாட்டு உள்நாட்டு மற்றும் பாதுகாப்பு அமைச்சின் கணக்கெடுப்புத் தரவுகள் மூலம் தெரியவந்துள்ளது.