தேசிய ரீதியில் பதக்கங்களை வென்றவர்களுக்கு ஆளுநர் விருதுகள்

தேசிய மட்டப் பாடசாலைகளுக்கு இடையே நடைபெற்ற பெருவிளையாட்டுகள் மற்றும் மெய்வன்மைப் போட்டிகளில் பதக்கங்களைப் பெற்றுக்கொண்ட வடமாகாண பாடசாலைகளைச் சேர்ந்த வீரர்களுக்கு ஆளுநர் விருதுகள் வழங்கப்பட்டுள்ளன.

இந்நிகழ்வு நேற்று யாழ்ப்பாணத்தில் அமைந்துள்ள வடக்கு மாகாண அலுவலகத்தில் ஆளுநர் ஜி.ஏ. சந்திரசிறி தலைமையில் நடைபெற்றது.

இந்நிகழ்வில் மாகாணக் கல்வி அமைச்சின் செயலாளர் இளங்கோவன், வடக்கு மாகாணக் கல்விப் பணிப்பாளர் ப. விக்கினேஸ்வரன், வடக்கு மாகாண உடற்கல்விப் பணிப்பாளர் எஸ். சத்தியபாலன் உட்பட பலர் கலந்து கொண்டனர்.

பதக்கங்களை வென்றவர்களுக்கு பணப்பரிசில்களும் வழங்கப்பட்டமை குறிப்பிடத்தக்கது.