பதவி ஸ்ரீபுர பளுஹக வங்குக வித்தியாலயம் வெற்றி

(எஸ்.எஸ்.குமார்)

இலங்கை இராணுவத்தின் 22ஆவது படைப்பிரிவினால் ஏற்பாடு செய்யப்பட்டஇ பாடசாலைக்களுக்கு இடையிலான வலைபந்தாட்ட சுற்றுப் போட்டியில் பதவி ஸ்ரீபுர பளுஹக வங்குக வித்தியாலயம் வெற்றியீட்டியது. ஏகாம்பரம் விளையாட்டு மைதானத்தில் கடந்த சனிக்கிழமை இந்தப் போட்டிகள் நடத்தப்பட்ட நிலையில் அதில் 23 பாடசாலைகள் பங்குபற்றின.  

இறுதிப் போட்டியில் கந்தளாய் அக்கிரபோதி தேசிய பாடசாலையை 17:05 என்ற புள்ளிக்கணக்கில் வெற்றி கொண்டு படைபிரிவு கேடயத்தை தனதாக்கியது. திருகோணமலை மாவட்ட அரசாங்க அதிபர்  மேஜர் ஜெனரல் ரஞ்சித் சில்வா பிரதம அதிதியாக கலந்து கொண்டு இதனை வழங்கிவைத்தார்.

இச்சுற்றுப் போட்டியில் சிறந்த பேற்று எய்துனராக ஆர்.மேனகா பிரசஞ்சனியும் சிறந்த தடுப்பாளராக கே.டி.உரேசா மதுமாலியும்(அக்கிர போதி) வலைபந்து ராணியாக என்.ஜி.சாரிக்கா மதுமாலி தெரிவுசெய்யப்பட்டமை குறிப்பிடத்தக்கது.