ஜூன் 9முதல் ரெமோ முதற்பார்வை

அனிருத் - சிவகாரத்திகேயன் கூட்டணியில் பெரும் எதிர்பார்ப்பை ஏற்படுத்தியுள்ள திரைப்படம் ரெமோ.
ரசிகர்கள் ஆவலுடன் காத்திருக்கும் இத்திரைப்படத்தின் முதற்பார்வை போஸ்டரையும் ஜுன் மாதம் 9ஆம் திகதி வெளியிடவுள்ளனர்.

அதே தினத்தில் டைட்டில் பாடலையும் வெளியிடபோவதாக அனிருத் கூறியுள்ளார்.

இந்த டைட்டில் பாடலை இயக்குநர் விக்னேஷ் சிவன் எழுதியிருக்கிறார். இந்த டைட்டில் பாடலும் முதற்பார்வை போஸ்டரும் ரசிகர்களிடையே நல்ல வரவேற்பு பெறும் என்று எதிர்பார்க்கப்படுகிறது.

ரெமோ திரைப்படத்தில் சிவகார்த்திகேயனுக்கு ஜோடியாக கீர்த்தி சுரேஷ் நடித்து வருகிறார். கே.எஸ்.ரவிக்குமார், சதீஷ் உள்ளிட்ட பலரும் நடித்து வருகிறார்கள். 

பாக்யராஜ் கண்ணன் இயக்கி வரும் இத்திரைப்படத்துக்கு பி.சி.ஸ்ரீராம் ஒளிப்பதிவு செய்து வருகிறார். 24 ஏஎம் ஸ்டூடியோஸ் நிறுவனம் தயாரித்து வருகிறது.

அனிருத் - சிவகாரத்திகேயன் கூட்டணியில் ஏற்கெனவே வெளியான எதிர் நீச்சல், மான் கராத்தே, காக்கி சட்டை ஆகிய திரைப்படங்களின் பாடல்கள் சூப்பர் ஹிட்டானமை குறிப்பிடத்தக்கது.