தேர்தல்கள் ஆணைக்குழுவில் விசேட கலந்துரையாடல்

பொதுத் தேர்தல் தொடர்பில்  தேர்தல்கள் ஆணைக்குழுவில் பேச்சுவார்த்தை ஒன்று இன்று (05) நடைபெறவுள்ளது.

இதற்காக மாவட்ட தெரிவத்தாட்சி அலுவலர்கள் மற்றும் பிரதி, உதவி தெரிவத்தாட்சி அலுவலர்களும் அழைக்கப்பட்டுள்ளதாக ஆணைக்குழுவின் ஆணையாளர் நாயகம் சமன் ஶ்ரீ ரத்னாயக்க தெரிவித்துள்ளார்.

ஏப்ரல் 25ஆம் திகதி நடைபெறவுள்ள பொதுத் தேர்தல் தொடர்பில் ஜனாதிபதியினால் ஏற்கெனவே வர்த்தமானி அறிவித்தல் வௌியிடப்பட்டது. 

தேர்தல் தொடர்பிலான ஆரம்பகட்ட நடவடிக்கைகள் தொடர்பில் கலந்துரையாடுவதற்கு இன்று தேர்தல்கள் ஆணைக்குழுவில் பேச்சுவார்த்தை நடைபெறவுள்ளது. 

இதேவேளை, பொதுத் தேர்தலை முன்னிட்டு அனைத்து பொலிஸ் பிரிவுகளிலும் உள்ள பொலிஸ் நிலையங்களில் தேர்தல் நடவடிக்கை பிரிவை அமைக்க பொலிஸ் தலைமையகம் தீர்மானித்துள்ளது.