'நாமலை கைது செய்ததில் சந்தோஷமில்லை'

நாமலை கைது செய்தமை எம்மை பொறுத்தமட்டில் கவலைக்குரிய விடயம் என்றே கூறவேண்டும் என மின்சக்தி எரிபொருள்துறை பிரதியமைச்சர் அஜித் பி பெரேரா தெரிவித்தார்.

அரசாங்க தகவல் திணைக்களத்தில் இன்று இடம்பெற்ற செய்தியாளர் மாநாட்டிலேயே அவர் இவ்வாறு தெரிவித்தார்.

அவர் மேலும் கூறுகையில், “முன்னாள் ஜனாதிபதி மஹிந்த ராஜபக்ஷவின் மகனும் நாடாளுமன்ற உறுப்பினருமான நாமல் ராஜபக்ஷவை கைது செய்தமை தொடர்பில், முன்னாள் ஜனாதிபதி மஹிந்த ராஜபக்ஷ 'தற்போது சந்தோஷமா' என அரசாங்கத்தைப் பார்த்து கேட்டுள்ளார்.

உண்மையில் நாமலை கைது செய்தமை எம்மை பொறுத்தமட்டடில் கவலைக்குரிய விடயம் என்றே கூறவேண்டும்.

நாட்டின் சட்டத்திட்டங்களை நடைமுறைப்படுத்துவது அரசாங்கத்தின் கடமையாகும். அதன்படியே நாமல் ராஜபக்ஷவின் விவகாரத்திலும் அரசாங்கம் செயற்பட்டுள்ளது” என்றார்.