இலங்கைக்கு மேலாக சூரியன்

நேற்று சனிக்கிழமையிலிருந்து  இலங்கையின் உச்சிக்கு  வந்துள்ள சூரியன், நாளை திங்கட்கிழமை வடபகுதியிலுள்ள விடத்தல்த்தீவு, நயினாமடு, கொக்கிளாய்  ஆகிய பகுதிகளில் நேராக உச்சம் கொடுக்கும் என வளிமண்டலவியல் திணைக்களம் தெரிவித்தது.

இந்த சூரிய உச்சம் எதிர்வரும் செப்டெம்பர் மாதம் 8 ஆம் திகதி வரை நீடிக்கும் என்று வளிமண்டலவியல் திணைக்களம் கூறியுள்ளது.

இதேவேளை, நாட்டின் சில பகுதிகளில் நாளை இடியுடன் கூடிய மழை பெய்யும் என்பதுடன், மத்திய மலைப் பகுதிகளில் பலத்த காற்று வீசும் எனவும் எதிர்பார்க்கப்படுவதாக வளிமண்டலவியல் திணைக்களம் தெரிவித்தது. (DM)