சரத் பொன்சேகா இன்றும் நாடாளுமன்றம் செல்ல அனுமதி மறுப்பு

ஜனநாயகத் தேசிய முன்னணியின் தலைவரும் நாடாளுமன்ற உறுப்பினருமான ஜெனரல் சரத் பொன்சேகாவுக்கு இன்று வெள்ளிக்கிழமையும் நாடாளுமன்றம் செல்வதற்கான அனுமதி மறுக்கப்பட்டுள்ளதாக அந்தக் கட்சியின் நாடாளுமன்ற உறுப்பினர் விஜித ஹேரத் தெரிவித்தார்.

இது தொடர்பாக விஜித ஹேரத்   ஐக்கிய தேசிய கட்சித் தலைவர் ரணில் விக்கிரமசிங்கவுடன் இணைந்து நாடாளுமன்றத்தில் சிறப்புரிமைப் பிரச்சினைகளை எழுப்பினார்.

இது தொடர்பாக ஆராய்ந்து   நடவடிக்கை எடுக்கவுள்ளதாகவும் சபாநாயகர் சமல் ராஜபக்ஷ கூறினார்.

இதேவேளை, சரத் பொன்சேகா நேற்று வியாழக்கிழமையும் நாடாளுமன்றத்திற்கு செல்லவிடாது தடுக்கப்பட்ட நிலையில்,  இதற்கு பிரதான எதிர்க்கட்சியான ஐக்கிய தேசியக் கட்சி தனது ஆட்சேபனையை வெளியிட்டிருந்தமை குறிப்பிடத்தக்கது.(DM)