பொன்சேகாவின் உடல் நிலை தேறி வருகின்றது – கரு ஜயசூரிய

மிகவும் பலவீனமாக காணப்பட்ட முன்னாள் இராணுவ தளபதி சரத் பொன்சேகாவின் உடல்நிலை தேறிவருவதாக ஐக்கிய தேசிய கட்சியின் பிரதி தலைவர் கரு ஜெயசூரிய அவரைச் சென்று பார்த்தபின் கூறினார்.

சில நாட்களுக்கு முன் அவர் மாறி மாறி வழக்குகளுக்காக நீதிமன்றங்களுக்கு செல்ல வேண்டியுள்ளது. ஒரு நாளில் மட்டும் மூன்று வழக்குகளுக்கு அவர் சென்றார். அவர் உடல்நிலையில் இது கடுமையான வேலையாக இருந்தது என ஜயசூரிய கூறினார்.

பொன்சேகாவைக் கவனித்து வரும் வைத்தியர்கள், அவருக்கு நல்ல காற்றும், முறையான உணவும், உடற்பயிற்சியும் தேவையெனவும் கூறினர். ஆனால் சிறையில் அவருக்கு இவை மறுக்கப்பட்டுள்ளன.

இவருக்கு சிறையில் உடற்பயிற்சி இயந்திரம் வைத்திருப்பதற்கு அனுமதி மறுக்கப்பட்டுள்ளது. இது அவரின் உடல்நிலை பாதிப்புக்கு வழிவகுத்துள்ளது எனவும் கரு ஜயசூரிய கூறினார்.