யார் தளபதியாக இருந்திருந்தாலும் யுத்தத்தில் வென்றிருப்பார்கள்: கோட்டாபய

(ரி.பாருக் தாஜுதீன், லக்மல் சூரியகொட)

மேல் நீதிமன்றத்தில் நடைபெறும் வெள்ளைக் கொடி வழக்கில் சாட்சியமளித்த பாதுகாப்புச் செயலாளர் கோட்டாபய ராஜபக்ஷ,  முன்னாள் இராணுவத் தளபதி சரத் பொன்சேகா மாத்திரமல்ல, அப்பதவியில் யார் இருந்திருந்தாலும் யுத்தத்தில் வென்றிருப்பார்கள் எனத் தெரிவித்தார்.

யுத்தத்தில் வெற்றி பெறுவதற்கு விமானப்படைத் தளபதியும் கடற்படைத் தளபதியும் கடுமையாக பாடுபட்டதாகவும் பாதுகாப்புச் செயலாளார் கூறினார்.

2009 ஆம் ஆண்டு டிசெம்பர் 13 ஆம் திகதி சண்டே லீடர் பத்திரிகையின் முன்பக்கத்தில் குறித்த செய்தியை தான்; பார்த்ததாகவும் அதன் உள்ளடக்கம் தவறானவையாக காணப்பட்டாகவும் பாதுகாப்புச் செயலர் கூறினார்.

அதேவேளை,  சரணடைந்த எவருக்கும் தீங்கிழைக்குமாறு தான் படையினரை அறிவுறுத்தவில்லை  எனவும்  சரணடைந்தவர்களுக்கு பாதுகாப்பளிக்குமாறு தான் கூறியதாகவும் அவர் மேலும் தெரிவித்தார்.