ஆசிரியர் பற்றாக்குறையை நிவர்த்திசெய்யுமாறு ஆர்ப்பாட்டம்

எப்.முபாரக், பொன் ஆனந்தம்

திருகோணமலை அபயபுர ஆரம்ப பாடசாலையில் நிலவும் ஆசிரியர் பற்றாக்குறையையும் வளப்பற்றாக்குறையையும் நிவர்த்தி செய்து தருமாறு கோரி, திருகோணமலை மாகாண கல்வித் திணைக்களத்துக்கு முன்னால், இன்று புதன்கிழமை (13) ஆர்ப்பாட்டமொன்று நடத்தப்பட்டது.

நூற்றுக்கணக்கான பெற்றோர்களும் மாணவர்களும் சுலோகங்களை ஏந்திய வண்ணம்  ஆர்ப்பாட்டத்தினை மேற்கொண்டனர்.

பின்தங்கிய பிரதேசத்தில் காணப்படும் இப்பாடசாலையில், போதுமான ஆசிரியர்கள் இல்லாமையாலும் வளங்கள் இன்றியும் அதிகாரிகள் புரக்கணிக்கப்பட்டு வருவதாகவும் பெற்றோர்கள் தெரிவிக்கின்றனர்.