சுற்றாடல் முன்னோடி வேலைத்திட்டம்

ஹஸ்பர் ஏ ஹலீம்

சுற்றாடல் அதிகாரசபையுடன் இணைந்து, நாடளாவியரீதியில் இருந்து சுமார் 360 பாடசாலை மாணவர்களின் பங்கேற்புடன், சுற்றாடல் முன்னோடி வேலைத்திட்டம், திருகோணமலையிலுள்ள இலங்கைக் கடற்படை கிழக்கு பிராந்தியத்தில், நாளை மறுதினம் (20) காலை 9 மணிக்கு இடம்பெறவுள்ளது.

இந்தச் சுற்றாடல் முன்னோடி வேலைத்திட்டங்கள், தொடர்ச்சியாக மூன்று நாள்களுக்கு இடம்பெறவுள்ளன.

ஆரம்ப நிகழ்வை, சுற்றாடல் பிரதியமைச்சர் அஜித் மான்னப்பெரும, வைபவரீதியாக ஆரம்பித்து வைப்பார். இதில் கிழக்கு மாகாண ஆளுநர் ரோஹித போகொல்லாகம உள்ளிட்டோர் பங்கேற்கவுள்ளனர்.