அன்டி மறே, ரஃபேல் நடால் வெற்றி

தரவரிசையில் இரண்டாம் நிலையில் உள்ள பிரித்தானியாவின் அன்டி மறே, தரவரிசையில் ஐந்தாம் நிலையில் உள்ள ஸ்பெயினின் ரஃபேல் நடால்ஆகியோர் தொழில்முறை டென்னிஸ் வீரர்களின் கூட்டமைப்பின் உலகத் தொடர் இறுதிப்போட்டிகளை வெற்றியுடன் தொடக்கியுள்ளனர்.

அன்டி மறே, 6-4, 6-4 என்ற செட் கணக்கில் தரவரிசையில் ஏழாம் இடத்திலுள்ள ஸ்பெயினின் டேவிட் பெரரைத் தோற்கடித்தும், தரவரிசையில் ஒன்பதாம் இடத்திலிருந்து ஐந்தாம் இடத்துக்கு முன்னேறிய நடால், 6-3, 6-2 என்ற செட் கணக்கில் இந்த வருட பிரெஞ் பகிரங்க சம்பியனான சுவிற்ஸர்லாந்தின் ஸ்டியான் வொர்விங்காவை தோற்கடித்துமே தத்தமது வெற்றிகளைப் பெற்றிருந்தனர்.

இன்று இடம்பெறவுள்ள தனது அடுத்த போட்டியில் அன்டி மறே, ரஃபேல் நடாலைச் சந்திக்கவுள்ளார். இன்றைய போட்டியில் மறே வெற்றி பெறும் பட்சத்தில், தரவரிசையில் இரண்டாமிடத்தில் இந்த வருடத்தை முடித்துக் கொண்டு, இந்த அடைவு மட்டத்தை தான் வாழ்நாளில் முதன்முறையாக மறே பெற்றுக்கொள்வார்.