சந்திமால் வெளியே; டிக்வெல்ல உள்ளே

இலங்கை கிரிக்கெட் சபையின் இருபதுக்கு – 20 லீக்கின் போட்டியொன்றில் வலது கை நடுவிரலில் காயமடைந்த சிரேஷ்ட துடுப்பாட்ட வீரர் தினேஷ் சந்திமால், அக்காயத்திலிருந்து குணமடைய மேலதிக நேரம் தேவைப்படுவதால் ஆசியக் கிண்ணத்துக்கான இலங்கைக் குழாமிலிருந்து விலக்கப்பட்டுள்ளார்.

இந்நிலையில், தயார் நிலையில் வைக்கப்பட்டிருந்த நிரோஷன் டிக்வெல்ல, தினேஷ் சந்திமாலை இலங்கைக் குழாமில் பிரதியீடு செய்கிறார்.

ஆசியக் கிண்ணம், எதிர்வரும் சனிக்கிழமை ஆரம்பிக்கையில் ஆரம்பப் போட்டியில் பங்களாதேஷை இலங்கை எதிர்கொள்கிறது.