ஜேர்மனியை வென்றது இங்கிலாந்து

இடம்பெற்றுவரும் சிநேகபூர்வ கால்பந்தாட்ட போட்டிகளில், கடந்த சனிக்கிழமை (26), இங்கிலாந்துக்கும் தற்போதைய உலக சம்பியன்களான ஜேர்மனிக்குமிடையே இடம்பெற்ற போட்டியில், இரண்டு கோல்கள் பின்தங்கியிருந்த இங்கிலாந்து அணி சுதாகரித்துக் கொண்டு ஜேர்மனியை வீழ்த்தியது.

இப்போட்டியின் 43ஆவது, 57ஆவது நிமிடங்களில் முறையே ஜேர்மனியின் டொனி குரூஸ், மரியோ கோமிஸ் ஆகியோர் கோல்களைப் பெற்றிருந்த நிலையில், இங்கிலாந்து சார்பாக, போட்டியின் 61ஆவது, 74ஆவது, 91ஆவது நிமிடங்களில் முறையே ஹரி கேன், ஜேமி வர்டி, எரிக் டையர் ஆகியோர் கோல்களைப் பெற்றிருந்தனர்.

இந்தப் போட்டியானது சிநேகபூர்வமான போட்டியாயினும் இந்தப் போட்டியில் கிடைத்த வெற்றியானது, பிரான்ஸில் இவ்வருடம் இடம்பெறவுள்ள யூரோ 2016 போட்டிகளுக்காக திட்டங்களை வகுத்துள்ள இங்கிலாந்து அணியின் பயிற்சியாளருக்கும் அவ்வணிக்கும் ஊக்கத்தை வழங்கியிருக்கிறது.