யுனைட்டெட்டுக்குத் திரும்புகிறார் ஸாகா?

இங்கிலாந்து பிறீமியர் லீக் கழகமான கிறிஸ்டல் பலஸின் முன்களவீரரான வில்ஃபிரைட் ஸாகாவை, அடுத்த பருவகாலத்தில் மீளக் கைச்சாத்திடுவதற்கு இன்னொரு இங்கிலாந்து பிறீமியர் லீக் கழகமான மன்செஸ்டர் யுனைட்டெட் எதிர்பார்த்துள்ளதாகக் கூறப்படுகிறது.

ஐவரிகோஸ்ட் சர்வதேச கால்பந்தாட்ட அணியின் முன்களவீரருமான வில்ஃபிரைட் ஸாகா, 2013ஆம் ஆண்டுக்கும் 2015ஆம் ஆண்டுக்கும் இடைப்பட்ட காலத்தில் மன்செஸ்டர் யுனைட்டெட்டின் வீரராகவே இருந்தபோதும், கிறிஸ்டல் பலஸுக்கும், கார்டிஃப் சிற்றிக்கும் கடனடிப்படையில் வழங்கப்பட்ட நிலையில் இரண்டு போட்டிகளிலேயே மன்செஸ்டர் யுனைட்டெட்டுக்காக விளையாடியிருந்தார்.

இந்நிலையில், 26 வயதான வில்ஃபிரைட் ஸாகாவை 70 மில்லியன் ஸ்டேர்லிங் பவுண்ஸ்களுக்கு மன்செஸ்டர் யுனைட்டெட் கைச்சாத்திட எதிர்பார்த்துள்ளது.