சச்சின் நாயை மிஸ் பண்ணுகிறேன்: தென்னாபிரிக்க அணி பயிற்றுநர்

தென்னாபிரிக்க கிரிக்கெட் அணியின் பயிற்றுநர் வின்சன்ட் பர்ன்ஸ் தனது நாய்க்கு சச்சின் என பெயர் சூட்டியுள்ளார்.

இந்திய அணியின் துடுப்பாட்ட நட்சத்திரமான சச்சின் டெண்டுல்கர்தான் வின்சன்ட் பர்ன்ஸின் அபிமான வீரர். ஆதனால் தனது நாய்க்கு சச்சின் என பெயர் சூட்டினாராம் வின்சன்ட்.

தற்போது உலகக் கிண்ணப் போட்டிகளுக்காக தென்னாபிரிக்க அணியுடன் பல நகரங்களுக்கும் பயணம் செய்வதால் சச்சினை (நாயைத்தான்) ரொம்பவே மிஸ் பண்ணுகிறேன் என்கிறார் வின்சன்ட்.

'என்னால் நாயை எல்லா இடங்களுக்கும் கொண்டுவர முடியாது. ஆனால் அதனை வீட்டில் பார்த்துக்கொள்வதற்கு பலர் இருக்கிறார்கள்' என அவர் தெரிவித்துள்ளார்.

அதேவேளை தனது அபிமான துடுப்பாட்ட வீரரான சச்சின் டெண்டுல்கர் குறித்து அவர் கூறுகையில், ' அவர் ஒரு சுப்பர்மேன். எதையும் சாதிக்கக்கூடியவர்' எனக் கூறியுள்ளார்.