அவுஸ்திரேலிய கிரிக்கெட் அணி பயிற்றுநர் ராஜினாமா

அவுஸ்திரேலிய கிரிக்கெட் அணியின் பயிற்றுநர் டிம் நீல்சன் அப்பதவியிலிருந்து விலகுவதாக அறிவித்துள்ளார்.

இலங்கை அவுஸ்திரேலிய அணிகளுக்கிடையிலான 3 ஆவது டெஸ்ட் கிரிக்கெட் போட்டி நேற்று செவ்வாய்க்கிழமை கொழும்பில் முடிவுற்றபின்  டிம் நீல்சன்  இவ்வறிவிப்பை விடுத்தார். 

43 வயதான நீல்சன், 2007 ஆம் ஆண்டு ஜோன் புச்சானனுக்குப் பின்னர் அவுஸ்திரேலிய அணியின் பயிற்றுநராக பதவியேற்றவர். அவருக்கு அவுஸ்திரேலிய கிரிக்கெட் சபையினால் மற்றொரு சிரேஷ்ட பதவி வழங்கப்படலாம் என எதிர்பார்க்கப்படுகிறது.

இதேவேளை நீல்சனின் விலகலையடுத்து தென்னாபிரிக்க சுற்றுலாவுக்கான அவுஸ்திரேலிய அணிக்கு இடைக்கால பயிற்றுநர் ஒருவர் நியமிக்கப்படவுள்ளனர்.

தற்போதைய உதவிப் பயிற்றுநர்களான ஜஸ்டின் லாங்கர், ஸ்டீவ் றிக்ஸன் ஆகியோரில் ஒருவர் இப்பதவியைப் பெறுவதற்கு அதிக வாய்ப்புள்ளது.