சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் எட்டாமிடத்துக்கு அவுஸ்திரேலியாவின் வேகப்பந்துவீச்சாளர் ஜொஷ் ஹேசில்வூட் முன்னேறியுள்ளார்.

இங்கிலாந்துக்கெதிரான நான்காவது டெஸ்டில் ஆறு விக்கெட்டுகளைக் கைப்பற்றியதைத் தொடர்ந்தே 12ஆம் இடத்திலிருந்து நான்கு இடங்கள் முன்னேறி எட்டாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. ககிஸோ றபடா, 3. ஜஸ்பிரிட் பும்ரா, 4. ஜேஸன் ஹோல்டர், 5. வேர்ணன் பிலாந்தர், 6. ஜேம்ஸ் அன்டர்சன், 7. ட்ரெண்ட் போல்ட், 8. ஜொஷ் ஹேசில்வூட், நீல் வக்னர், 10. கேமார் றோச்.

இதேவேளை, முதல் 10 துடுப்பாட்டவீரர்களின் தரவரிசையில் மாற்றமெதுவும் ஏற்படாத நிலையில் அத்தரவரிசை பின்வருமாறு,

1. ஸ்டீவ் ஸ்மித், 2. விராட் கோலி, 3. கேன் வில்லியம்சன், 4. செட்டேஸ்வர் புஜாரா, 5. ஹென்றி நிக்கொல்ஸ், 6. ஜோ றூட், 7. அஜின்கியா ரஹானே, 8. டொம் லேதம், 9. திமுத் கருணாரத்ன, 10. ஏய்டன் மர்க்ரம்.

இந்நிலையில், ஆப்கானிஸ்தானுக்கெதிரான ஒற்றை டெஸ்ட் போட்டியில் ஐந்து விக்கெட்டுகளைக் கைப்பற்றியதுடன், 55 ஓட்டங்களைப் பெற்ற பங்களாதேஷ் அணியின் தலைவர் ஷகிப் அல் ஹஸன், சகலதுறைவீரர்களுக்கான தரவரிசையில் மூன்றாமிடத்திலிருந்து ஓரிடம் முன்னேறி இரண்டாமிடத்தை அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. ஷகிப் அல் ஹஸன், 3. இரவீந்திர ஜடேஜா, 4. பென் ஸ்டோக்ஸ், 5. வேர்ணன் பிலாந்தர்.