குடிநீர் இணைப்புக்காக பதியவும்

-ஏ.எச்.ஏ.ஹுஸைன்
‎

மட்டக்களப்பு, ஏறாவூர் நகர பிரதேச செயலாளர் பிரிவில் சமூர்த்திப் ‪பயனாளிகள் அல்லாத 500 குடும்பங்களுக்கு இலவசமாக குடிநீர் இணைப்புகளை பெற்றுக்கொடுக்க நடவடிக்கை எடுக்கப்பட்டுள்ளது.

இந்நிலையில், குடிநீர் இணைப்பை பெற்றுக்கொள்ள விரும்பும் பயனாளிகள், கிழக்கு மாகாண முதலமைச்சரின் ஏறாவூர் பிராந்திய அலுவலகத்தில் தங்களின் விவரங்களை பதிவு செய்துகொள்ளுமாறு அந்த அலுவலகம் கேட்டுக்கொண்டுள்ளது.
‪

ஏறாவூர் நகர பிரதேச செயலாளர் பிரிவில் நீர்வழங்கல் வடிகாலமைப்புச் சபையின் குடிநீர் இணைப்பை பெற்றுக்கொள்ளாத, ‪சமூர்த்திப் பயனாளிகள் அல்லாத 500 பயனாளிகளுக்கு தலா 18 ஆயிரம் ரூபாய் படி கிழக்கு மாகாண முதலமைச்சரின் நிதியில் ஒதுக்கீடு செய்து செலுத்தி இலவசமாக குடிநீர் இணைப்பைப் பெற்றுக்கொடுக்க நடவடிக்கை எடுக்கப்பட்டுள்ளது என ஏறாவூர் பிராந்திய அலுவலகம், இன்று செவ்வாய்க்கிழமை தெரிவித்தது.