யானைகள் ஊடுருவும் இடங்களில் மின்விளக்குகள்

-வடிவேல் சக்திவேல்

மட்டக்களப்பு, போரதீவுப்பற்றுப் பிரதேச சபைப் பிரிவில்; காட்டு யானைகள் ஊடுருவும் இடங்களை மையப்படுத்தி வீதி மின்விளக்குகள் பொருத்தும் நடவடிக்கை நாளை புதன்கிழமை ஆரம்பிக்கப்படவுள்ளதாக மாவட்ட உள்ளூராட்சி உதவி ஆணையாளர் கே.சித்திரவேல், இன்று செவ்வாய்க்கிழமை தெரிவித்தார்.

'உலக தரிசனம்' தன்னார்வ தொண்டு நிறுவனத்தின்; உதவியுடனும் போரதீவுப்பற்று பிரதேச சபையின் ஒத்துழைப்புடனும் இந்த நடவடிக்கை முன்னெடுக்கப்பட்டுள்ளது.  

முதற்கட்டமாக 30 வீதி மின்விளக்குகளைப் பொருத்துவதற்கு நடவடிக்கை எடுக்கப்பட்டுள்ளது. மேலும் தேவை அறிந்து மின்விளக்குகள் பெற்றுக்கொடுக்கப்படும் என உலக தரிசன நிறுவனத்தின்; அப்பிரதேச அபிவிருத்தித்திட்ட முகாமையாளர் பி.றோகாஸ் தெரிவித்தார்.