வாகன விபத்தில் 2 சிறுமிகள் படுகாயம்

-வா.கிருஸ்ணா

மட்டக்களப்பு,வவுணதீவு பொலிஸ் பிரிவுக்குட்பட்ட நாவற்காடு பகுதியில் இன்று செவ்வாய்க்கிழமை  காலை 7.30மணியளவில் இடம்பெற்ற வாகன விபத்தில் இரண்டு சிறுமிகள் படுகாயமடைந்துள்ளனர்.

ஜதுர்ஸிகா(05வயது),காருணியா(07வயது)ஆகிய சிறுமிகளே இவ்வாறு படுகாயமடைந்துள்ளதாக வவுணதீவு பொலிஸார் தெரிவித்தனர்.

குறித்த இரண்டு சிறுமிகளும் துவிச்சக்கர வண்டியில் சென்றுகொண்டிருந்த போது எதிரே வந்த மோட்டார் சைக்கிளுடன் மோதி விபத்துக்குள்ளானதில் படுகாயமடைந்தனர்.

படுகாயமடைந்த சிறுமிகள் நாவற்காடு வைத்தியசாலையில் அனுமதிக்கப்பட்டு மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.