டெங்கு ஒழிப்பு விழிப்புணர்வு நிகழ்வுகள்

(ஆர்.அனுருத்தன்)

மட்டக்களப்பு திமிலைத்தீவு ஐக்கிய நட்புறவாளர் ஒன்றியமும் சமாதான விளையாட்டுக் கழகமும் இணைந்து இன்று வெள்ளிக்கிழமை அந்த பிரதேசத்தில் டெங்கு ஒழிப்பு தொடர்பாக விழிப்புணர்வு நிகழ்ச்சிகளை ஏற்பாடு செய்திருந்தன.

டெங்கு ஒழிப்பு தொடர்பாக புதுநகர், சேற்றுக்குடா, திமிலைத்தீவு மற்றும் வீச்சுக்கல்முனை ஆகிய கிராம மக்களிடையே விழிப்புணர்வை ஏற்படுத்தும்வகையில் இது தொடர்பான பேரணியும் கருத்தரங்கும் இடம்பெற்றது.

மட்டக்களப்பு மாவட்ட நாடாளுமன்ற உறுப்பினர் பொன் செல்வராஜா, கிழக்கு மாகாணசபை உறுப்பினர் இரா.துரைரெத்தினம், மாநகரசபை உறுப்பினர் கே.கிருபைராஜா ஆகியோருடன் சுகாதார சேவைகள் மற்றும் பொலிஸ் அதிகாரிகளும் இந்நிகழ்வில் கலந்து கொண்டனர்.