மட்டு. மாவட்டத்தின் ஐந்தாவது புதிய கல்வி வலயம் மாகாண ஆளுநரால் அங்குரார்ப்பணம்

(ஜிப்ரான்,எம்.சுக்ரி, ஆர்.அனுருத்தன்)

மட்டக்களப்பு மாவட்டத்தின் 5ஆவது கல்வி வலயம் இன்று வெள்ளிக்கிழமை நண்பகல் கிழக்கு மாகாண ஆளுநர் ரியர் அட்மிரல் மொஹான் விஜயவிக்ரம் மற்றும் கிழக்கு மாகாண முதலமைச்சர் சிவநேசத்துரை சந்திரகாந்தனால் வைபவரீதியாக  திறந்துவைக்கப்பட்து.

மட்டக்களப்பு மாவட்டத்தில் யுத்தம் காரணமாக பெரிதும் பாதிக்கப்பட்ட வவுணதீவு பிரதேசத்திலுள்ள குறிஞ்சாமுனையிலேயே மேற்படி கல்வி வலயம் திறந்துவைக்கப்பட்;டது.

மட்டக்களப்பு மாவட்டத்தில் ஏற்கெனவே 4 வலயக் கல்வி அலுவலகங்கள் செயற்பட்டு வருகின்றன. உப கல்வி வலயமாக இன்று ஆரம்பமாகியுள்ள இக்கல்வி வலயம் எதிர்வரும் ஜனவரி மாதம் முதல் கல்வி வலயமாக பிரகடனப்படுத்தப்படும் என கிழக்கு மாகாண கல்வி பணிப்பாளர் எம்.ரி.எம்.நிஸாம் தெரிவித்தார்.