மகா கணபதி ஹோமம்

(கே.எஸ்.வதனகுமார்)

இரண்டாவது முறையாக பதவியேற்கும் ஜனாதிபதி மஹிந்த ராஜபக்ஷ அவர்களின் பிறந்த தினத்தை முன்னிட்டும் நாட்டிற்கும் நாட்டு மக்களுக்கும் தமிழ் பேசும் சமூகத்தின் சுபீட்ஷமான எதிர்காலத்திற்கும் நல்லாசி வேண்டியும் கல்லடி உப்போடை ஸ்ரீ சித்தி விநாயகர் ஆலயத்தில் மகா கணபதி ஹோமமொன்று நடத்தப்பட்டது.

தமிழ் மக்கள் விடுதலைப் புலிகள் கட்சியின் ஏற்பாட்டில் கிழக்கு மாகாண முதலமைச்சர் சி.சந்திரகாந்தன் நெறிப்படுத்தலுடன் இன்று காலை 6.00 மணி தொடக்கம் முற்பகல் 10.00 மணி வரை நடைபெற்ற இந்த மகா கணபதி ஹோமத்தில் கிழக்கு மாகாணசபை உறுப்பினர்களான  பூ.பிரசாந்தன், கிருஷ்ணானந்தராஜா, தமிழ் மக்கள் விடுதலைப் புலிகள் கட்சியின் செயலாளர் கைலேஸ்வரராஜா உள்ளிட்ட தலைவர்கள், உறுப்பினர்கள், பொதுமக்கள் உட்பட பலர் கலந்து கொண்டமை குறிப்பிடத்தக்கது.