கஞ்சாவுடன் ஒருவர் கைது

-ஏ.எச்.ஏ.ஹுஸைன்

கஞ்சா வைத்திருந்த குற்றச்சாட்டின் பேரில் மட்டக்களப்பு, ஏறாவூர் பொலிஸ் பிரிவுக்குட்பட்ட மீராகேணிக் கிராமத்தில்  செவ்வாய்க்கிழமை (04) இரவு  ஒருவரை கைதுசெய்ததுடன், இவரிடமிருந்து 10,660 மில்லிகிராம் கஞ்சாவையும் கைப்பற்றியதாகவும் பொலிஸார் தெரிவித்தனர்.

இந்த சந்தேக நபர் மறைமுகமாக கஞ்சா விற்பனையில் ஈடுபடுவதாக பொதுமக்களிடமிருந்து தகவல் கிடைத்தது. இதனைத் தொடர்ந்து கஞ்சாவுடன் சந்தேக நபரை கைதுசெய்ததாகவும் பொலிஸார் கூறினர்.

சந்தேக நபரிடம் பொலிஸார் விசாரணைகளை மேற்கொண்டுள்ளனர்.