ஆசிரியையின் மரணத்தில் சந்தேகம்: பொலிஸார் தீவிர விசாரணை

மொஹொமட் ஆஸிக், பாலித ஆரியவன்ச

மஹியங்களை லொக்கல்லா ஒயாவிலிருந்து, சடலமாக மீட்கப்பட்ட டீ.எம்.ஹீன்மெனிகா (வயது 55) என்ற பெண்ணின் மரணத்தில் சந்தேகம் நிலவுவதாகவும் இது தொடர்பில் தீவிர விசாரணைகைளை மேற்கொண்டு வருவதாகவும் மஹியங்கனை பொலிஸார் தெரிவித்தனர்.

பொலிஸாருக்கு கிடைக்கப்பெற்ற இரகசிய தகவலையடுத்து, லொக்கல்லா ஒயாவிலிருந்து மேற்படி பெண்ணின் சடலம், சனிக்கிழமை (10) மீட்கப்பட்டதுடன் பிரேத பரிசோதனைக்காக வைத்தியசாலையில் வைக்கப்பட்டது.

மரண விசாரணைகளை தொடர்ந்து, இவரது உடற்பாகங்கள் மேலதிக பரிசோதனைக்காக, அரச பகுப்பாய்வு திணைக்களத்துக்கு அனுப்பப்பட்டுள்ளதாக வைத்தியசாலை வட்டாரங்கள் தெரிவித்துள்ளன.

இரண்டு பிள்ளைகளின் தாயான இவர், ஹேபொல வித்தியாலத்தில் ஆசிரியராக கடமையாற்றி வந்துள்ளார்.

இவர், பிபிலை சந்தைக்கு செல்வதாக கூறி சனிக்கிழமை காலை வீட்டிலிருந்து சென்ற நிலையிலையே சடலமாக மீட்கப்பட்டுள்ளார்.