படுக்கையறையை பதம்பார்த்த மண்மேடு

கஹத்தை, ஓப்பாத்த தோட்டத்திலுள்ள வீடொன்றின் மீது, மண்மேடு சரிந்து விழுந்ததில், வீடு பகுதியளவில் சேதமடைந்துள்ளதாகவும், வீட்டின் உரிமையாளர்கள் மயிரிழையில் உயிர்தப்பியுள்ளதாகவும் பொலிஸார் கூறினர்.

இச்சம்பவம் இன்று அதிகாலை 3 மணியளவில் இடம்பெற்றுள்ளது.

மண்மேடு சரிந்து வந்து வீட்டின் சுவர் மீது விழுந்ததில், வீட்டின் படுக்கையறையே சேதமாகியுள்ளது.

வீட்டுரிமையாளர்கள் நித்திரையில் இருந்தபோதே இச்சம்பவம் இடம்பெற்றுள்ளதாகவும் எனினும் உரிமையாளர்கள், சிறிய காயங்களுடன் மயிரிழையில் உயிர்தப்பியுள்ளதாகவும் இவர்கள் உறவினர்களின் வீடுகளில் தங்க வைக்கப்பட்டுள்ளதாகவும் பொலிஸார் கூறினார்.