போலி வாக்கு சீட்டுகளுடன் நகர சபை உப தலைவர் கைது

ஆ.ரமேஸ், எஸ்.சதீஸ்

தேர்தல்  சட்டவிதிகளை மீறிய வகையில், தன்வசம் 211 மாதிரி வாக்குச் சீட்டுகளை வைத்திருந்த தலவக்கலை, லிந்துலை நகரசபையின் உப தலைவரை, நேற்று (15) இரவு தலவாக்கலை பொலிஸார் கைது செய்துள்ளனர்.

தேர்தல் பிரசார  சட்டவிதிகளை மீறி,  தலைவக்கலை மற்றும்  லிந்துலை பிரதேசத்தில் தேர்தல் பிரசார நடவடிக்கைகளை முன்னெடுத்து வருவதாக பொலிஸாருக்குக் கிடைத்த தகவலுக்கு  அமைய தலவாக்கலை பொலிஸார் இவரைக் கைது செய்துள்ளனர்.

இவரை, நுவரெலியா மாவட்ட நீதவான் நீதிமன்றில் ஆஜர்படுத்தவுள்ளதாக, தலவாக்கலை பொலிஸார் தெரிவித்தனர்.