பொலிஸாரின் விஷேட சோதனையில் ஐவர் கைது

மொஹொமட் ஆஸிக்

போதைப் பொருட்கள் வைத்திருந்த நால்வரையும் பிடியாணை பிறப்பிக்கப்பட்டிருந்த ஒருவரையும் பொலிஸார், சனி மற்றும் ஞாயிற்றுக்கிழமைகளில் கைதுசெய்துள்ளனர்.

அங்கும்புரை  கண்டி வீதியில் வைத்து, 200 மில்லிகிராம் கஞ்சா கலந்த புகையிலை தூளுடன் ஒருவரை நேற்று (27) கைதுசெய்துள்ளதாக  அங்கும்புர பொலிஸார் தெரிவித்தனர். பொலிஸாருக்கு கிடைத்த தகவலை அடுத்து அங்கும்புர, கண்டி வீதியில் வைத்து  மேற்படி நபரை சோதனைக்கு உட்படுத்திய போது, குறித்த நபரிடமிருந்து கஞ்சா கலந்த புகையிலை தூளை பொலிஸார் கைப்பற்றியுள்ளனர்.

இதேவேளை, அலவத்துகொடை பொலிஸார்  மேற்கொண்ட விசேட சோதனை நடவடிக்கையின் போது போதைப் பொருட்களுடன் நான்கு பேர் கைதுசெய்யப்பட்டுள்ளனர்.

கஞ்சா வைத்திருந்த ஒருவரும்; பாபுல் போதைப் பொருள் அடங்கிய பாக்குகளை விற்பனை செய்வதற்காக வைத்திருந்த இருவரும் மற்றும் நீதிமன்றத்தில் பிடியாணை பிறப்பிக்கப்பட்டிருந்த  ஒருவரும் பொலிஸாரால் கைது செய்யப்பட்டிருந்தனர்.