வாகனத்திலிருந்து தவறி விழுந்து ஒருவர் பலி

-மொஹொமட் ஆஸிக்

இரத்தினபுரி, நிவித்திகல பிரதேசத்தில் செவ்வாய்கிழமை (25) இரவு பயணித்துக்கொண்டிருந்த கெப் ரக வாகனம் ஒன்றிலிருந்து தவறி விழுந்த ஒருவர் உயிரிழந்துள்ளார்.

நிவித்திகல, நொரகல்லவத்த பிரதேசத்தைச் சேர்ந்த 32 வயதுடைய ஒருவரே உயிரிழந்துள்ளார் என பொலிஸார் தெரிவித்தனர்.

கெப் ரக வாகனம் அதிக வேகமாக சென்றுகொண்டிருந்தபோது வளைவு ஒன்றில் வாகனத்தை திருப்ப முற்பட்ட போதே குறித்த நபர் வாகனத்திலிருந்து கீழே விழுந்துள்ளார்.  

இச்சம்பவம் குறித்து பொலிஸார் மேலதிக விசாரணைகளை மேற்கொண்டு வருகின்றனர்.