விபத்தில் சாரதி காயம்

-மு.இராமச்சந்திரன்

ஹட்டன்  - கொழும்பு பிரதான வீதியில் நேற்று வெள்ளிக்கிழமை பிற்பகல் 2.30 மணியளவில் முச்சக்கரவண்டியொன்று 50 அடி பள்ளத்தில் பாய்ந்து விபத்துக்குள்ளானதில் முச்சக்கரவண்டி சாரதி காயங்களுக்குள்ளான நிலையில் வட்டவளை வைத்தியசாலையில் அனுமதிக்கப்பட்டுள்ளார்.

குறித்த முச்சக்கர வண்டி அப்புத்தளையிலிருந்து கொழும்பு நோக்கிச் சென்றுக்கொண்டிருந்த வேளையில், ஹட்டன் - கொழும்பு பிரதான வீதியின் வட்டவளை பகுதியில் வைத்து பாதையை விட்டுவிலகி 50 அடி பள்ளத்தில் பாய்ந்து விபத்துக்குள்ளாகியுள்ளது.

முச்சக்கரவண்டி சாரதியின் கவனயீனமே இவ்விபத்துக்கான காரணம் என்று வட்டவளை பொலிஸார் தெரிவித்தனர்.