லிந்துலையில் 10 வீடுகள் தீயினால் நாசம்

(சுவர்ணஸ்ரீ)
தலவாக்கலை, லிந்துலை நாகசேனைக்குட்பட்ட   திலிதுல்ரி தோட்டத்தில் இன்று அதிகாலை லயன் குடியிருப்புத் தொகுதியில் இடம்பெற்ற தீவிபத்தில் 10 வீடுகள் முற்றாக எரிந்து சேதமாகியுள்ளன.

12 அறைகளைக் கொண்ட இக்குடியிருப்பில் ஏற்பட்ட தீவிபத்தினால் 65 பேர் தமது உடமைகளை இழந்துள்ள நிலையில் தற்காலிக இடங்களில் தங்க வைக்கப்பட்டுள்ளனர்.

இவ்விபத்தில் எவருக்கும் காயங்கள் ஏற்படவில்லை.

இவ்விபத்து தொடர்பான விசாரணைகளை லிந்துலை பொலிஸார் மேற்கொண்டு வருகின்றனர்.