மிகச்சிறிய துப்பாக்கி பொலிஸாரால் கைப்பற்றபட்டது

(மொஹொமட் ஆஸிக்)

இலங்கையில் முன்னெப்போதும் காணப்படாத மிகச்சிறிய, நவீனரக கையடக்கக் கைத்துப்பாக்கி ஒன்றை அலவத்துகொடை பொலிஸார் கண்டு பிடித்துள்ளதுடன் இது தொடர்பாக இருவரையும் கைது செய்துள்ளனர்.

இலங்கை முப்படையினரோ  எல்.ரி.ரி.ஈ அமைப்போ அல்லது வேறு குழுக்களோ பாவிக்காத சுமார் 3 - 4 அங்குல நீளத்தையுடைய இக்கைத்துப்பாக்கி தங்களை ஆச்சரியத்தில் ஆழ்த்தியுள்ளதாக அலவத்துகொடைப் பொலிஸார் தெரிவித்தனர்.

அலவத்துகொடைப் பொலிஸாருக்குக் கிடைத்த தகவல் ஒன்றின் அடிப்படையில் அக்குறணை  துனுவில என்ற இடத்தில் ஒருவரைக் கைது செய்தபோது அவர் இடைத் தரகராகத் தொழிற்பட்டு கலகெதரையைச் சேர்ந்த ஒருவருக்கு அதை விற்பனை செய்துள்ளமை தெரிய வந்துள்ளது.

தற்போது சிரையில் இருக்கும் ஒருவர், கம்பஹா பகுதியிலுள்ள மற்றொருவர் மூலமே இவ்வியாபாரத்தை ஒழுங்குபடுத்தியுள்ளதாகவும் விசாரணைகளில் இருந்து தெரியவந்துள்ளது.

இது பாதாளக் குழுக்களின் நடவடிக்கையாகும் என பொலிஸார் சந்தேகிக்கின்றனார். மேலதிக விசாரனைகள் இடம்பெறுகின்றன.