நக்கிள்ஸ் வனப் பகுதியில் தீ விபத்து

(எம்.எஸ். குவால்தீன்)

பம்பரகல, நக்கிள்ஸ் வன பகுதிகளில் நேற்றிரவு திடீரென தீ ஏற்பட்டுள்ளது. த்தீயினால் பம்பரகல வன பகுதியில் மூன்று ஏக்கர் பரப்பளவிலுள்ள பெறுமதி மிக்க மரங்கள் எரிந்து நாசமாகியுள்ளதாக தெரிவிக்கப்படுகின்றது.

இதேபோன்று எலமல்பொத்த பகுதியில் அமைந்துள்ள நகள்ஸ் இயற்கை வன பகுதியில் ஏற்பட்ட தீயில் சுமார் பத்து ஏக்கருக்கும் அதிகமான வன பகுதி சேதமடைந்துள்ளது. பிரதேசவாசிகள். வனப் பாதுகாப்புப் பிரிவினர் மற்றும் பொலிஸார் கூட்டாக தீயைக் கட்டுப்பாட்டிற்குள் கொண்டுவந்துள்ளனர்.

இத்திடீர் தீ விபத்து தொடர்பாக பொலிஸார் விசாரணைகளை மேற்கொண்டு வருகின்றனர். மிருக வேட்டையில் ஈடுபடுகின்ற சில விஷமிகளே இத்தகைய செயலை மேற்கொண்டிருக்கலாம் என பொலிஸார் சந்தேகிக்கின்றனர்.